venres 2 de agosto de 2013

CCOO rexeita o anteproxecto de Lei de racionalización do sector público galego

• O borrador aprobado onte na Comisión de persoal da Xunta, co voto en contra de CCOO, pretende reducir o número de entes e organismos públicos a custa de menoscabar a súa autonomía e funcións

Comisións Obreiras (CCOO) rexeita o anteproxecto de Lei de racionalización do sector público galego que pretende aprobar a Xunta de Galicia e que foi rexeitado xa onte por CCOO, UGT e CIG na Comisión de Persoal.

O ISSGA é un dos organismos afectados

"O proxecto da Xunta liquida o ISSGA e desvirtúa o IGE"

CCOO rexeita unha norma que só aplica criterios cuantitativos para reducir o número de entes e organismos do sector público autonómico, a custa de menoscabar a súa autonomía e funcións ao tempo que incrementa o control político sobre eles.

A Comisión de Persoal foi o «único ámbito no que se nos deu información ao respecto a pesar de se tratar dunha norma horizontal», denuncia CCOO. O sindicato matén que o proxecto da Xunta vulnera os acordos acadados no diálogo social, tanto no que atinxe á composición dos organismos de participación institucional como no relativo ao desenvolvemento da lei.

Finalmente, CCOO denuncia que o proxecto da Xunta vulnera o espírito co que os axentes económicos e sociais construíron xunto coa Administración o  Instituto Galego de Seguridade e Saúde Laboral (ISSGA). O sindicato considera que a proposta do Goberno galego pretende «liquidar» o ISSGA, ademais de desnaturalizar o Instituto Galego de Estadística, xa a súa función e autonomía como instrumento estatístico da comunidade acaban diluíndose noutras simplemente administrativas.