CALENDARIO LABORAL 2016

PROPOSTA ÓS ORZAMENTOS 2016

PROPOSTA DE CC.OO. PARA O ORZAMENTO 2016

A  Sección Sindical de CC.OO na Deputación de Pontevedra, presenta as seguintes propostas para o orzamento 2016, coa finalidade de que as súas previsións se adapten ás necesidades que debe atender a institución.

Por imperativo legal, é obriga da Deputación a información e negociación previas cos representantes dos traballadores, e o incumprimento deste deber leva consigo a nulidade dos acordos, nulidade que poderá facerse valer por CC.OO. ante o xulgado competente, o que se fará naqueles casos en que proceda, tanto por falta de negociación coma polos motivos tasados que establece a lexislación aplicable en materia de réxime local.

As presentes propostas responden ás seguintes ideas:

1.- A debida dotación de medios materiais e persoais dos centros da Deputación, potenciándoos, rexeitando todo intento de externalización de servizos que poda levar a unha privatización encuberta, para a mellor atención das necesidades sociais.

2.- A dignificación da función pública e a conseguinte recuperación por parte dos traballadores dos seus dereitos sociais e económicos, minguados, de forma brutal, nestes últimos anos.

3.- Garantir a debida aplicación dos principios de igualdade, mérito e capacidade no acceso á función pública e na promoción profesional, e o cese das diferenzas retributivas nos supostos de desempeño de funcións idénticas ou similares.

Estes son os principios que resumen as propostas que agora se formulan.

CIDADE INFANTIL PRÍNCIPE FELIPE

1.       O PERSOAL DA CIDADE INFANTIL ten que seguir desenvolvendo o seu traballo neste centro. Isto é posible sempre  que se firme un convenio de colaboración entre Xunta-Deputación e Concellos da provincia, que garanta o mantemento do CENTRO DE DÍA, os INTERNADOS e que propicie a creación dun CENTRO DE RESIDENCIA SEMANAL. As traballadoras sociais realizarían un estudo de necesidades dos menores dos concellos da provincia en colaboración coas traballadoras sociais dos mesmos. Establecendo unha ruta de autobús: os luns pola mañá recollería ós nenos nos lugares previstos polos Concellos e os venres regresarían de fin de semana.

2.      Consideramos importante a modificación do Regulamento de Réxime Interno para adaptalo ó momento actual que debe contemplar, entre outras modificacións, a provisión de postos de directores de centro. Cando existan prazas vacantes, estas cubriranse mediante unha convocatoria, consistente nun CONCURSO DE

MÉRITOS e un PROXECTO DE CENTRO, no que poderá participar todo o persoal que reúna os requisitos para o posto e que será avaliado por unha comisión seleccionadora creada ó efecto.

3.      Creación dunha UNIDADE DE VIDA INDEPENDENTE, utilizando para reforzar a autonomía dos e das adolescentes internos/as para que, unha vez deixen o centro, poidan valerse por si mesmos. Realizar un seguimento do menor durante, polo menos dous anos, para axudalos no camiño cara á súa completa independencia.

4.       Modificación do acordo regulador, para que o persoal técnico auxiliar educativo nocturno que teña 15 ou máis anos de traballo poida pasar á quenda de día cubrindo as vacantes; a este colectivo ténselle que incrementar a penosidade debido á tipoloxía dos menores acollidos e por realizar o traballo na quenda de noite.

5.      Pedimos que se contemple nunha partida a cantidade necesaria para a compra dun autobús para trasladar ós menores que impida que a Deputación destine tódolos meses 3.500 € para pagar o aluguer do mesmo, xa que, en cinco anos poderiamos ter un autobús propio que seguiría once anos facendo o servizo sen gastar un euro.

6.      Previsión Orzamentaria para arranxar as vivendas que se atopan na entrada sur da Cidade infantil e que, na súa maioría, están abandonadas e por iso estragadas co que necesitan con urxencia un arranxo para logo destinalas a fins sociais (mulleres maltratadas, refuxiados, adolescentes con problemas económicos que queren estudar etc.) non se pode ter un equipamento e deixalo derrubar xa que é moi necesario nestes intres e que serviría de axuda a persoas con serios problemas.

7.      Modificación dos factores referentes a perigosidade, penosidade e toxicidade do complemento específico a funcionaria Consuelo Villaverde Carvallo xa que desempeña o seu posto de traballo na lavandería e se lle están aplicando os factores do posto de cociñeira

8.      Necesítase, para corrixir unha grande desigualdade, que neste orzamento se cree, dentro do cadro de persoal, un posto de Oficial de servizos xerais para que a persoa operaria de servizos, que desempeña o posto de oficial polas funcións que está a facer na despensa poida promocionar e mentres non se dá esa situación que se lle recoñeza a diferenza de funcións en produtividade

9.      Propoñemos para os traballadores que fagan  gardas para arranxar avarías ou situacións de emerxencias que se lle dea un módulo fixo mensual que compense o ter que estar pendentes do teléfono e non poder dispoñer do seu tempo libre como o resto dos traballadores.

10.  Pedimos para o persoal do Roupeiro da Cidade Infantil, no que todos están a facer as mesmas funcións, que se modifique e iguale a súa nomenclatura para tódolos postos de traballo igualando os Complementos do C. de Destino e Específico.

PARQUE DE MAQUINARIA

1.      Non permitiremos no Servizo de Infraestruturas-Parque de Maquinaria NINGUNHA AMORTIZACIÓN DE POSTOS DE TRABALLO NAS BRIGADAS, NIN DE CONDUTORES MAQUINISTAS, xa que as necesidades do equipo actual existen en función das demandas dos cidadáns, e a amortización dunha praza implica un posto de traballo menos na Deputación, é ABRIRLLE A ENTRADA Á EMPRESA PRIVADA, para ir a unha gradual externalización que termine en privatización do servizo.

2.     
A DEPUTACIÓN TEN QUE POTENCIAR O TALLER DO PARQUE CENTRAL DE MAQUINARIA. E contribuír, de xeito decidido, a comprar para este a maquinaria axeitada ó NIVEL TECNOLÓXICO que se require para poder arranxar as máquinas estragadas.

3.      Pedimos que se realice a dotación orzamentaria necesaria ÁS BRIGADAS DO SERVIZO DE INFRAESTRUCTURAS PARA A COMPRA DE CAMIÓNS. É máis que evidente que, sen eles o servizo é moi deficiente e a imaxe que se transmite á sociedade é penosa. Está demostrado que somos unha administración que carece dos medios necesarios básicos para realizar o seu traballo.

Queremos para cada zona, onde están situadas as Brigadas, que se teña unha DESBROZADORA E UNHA PALA DE XEITO PERMANENTE, cun condutor asignado para estas. Este feito contribuiría a que as marxes e as cunetas das estradas estivesen en perfecto estado.

4.      En cada Parque Comarcal e Central, as brigadas deben dispoñer dun CAMIÓN REGADOR e cada brigada dunha FURGONETA equipada con remolque, maquinaria e as ferramentas necesarias. Pero ademais, se se quere ter un tempo de intervención rápido en caso de ACCIDENTE é necesario que cada parque teña a disposición das brigadas un remolque equipado coas FERRAMENTAS, MAQUINARIA E DEMÁIS UTENSILIOS QUE SE PRECISAN para realizar as intervencións con éxito no menor tempo posible

5.      CC.OO. pídelle ó Equipo de Goberno que defina o futuro do Parque de Maquinaria (funcións dos condutores, planta de aglomerado, taller) xa que as decisións que se tomen teñen que ter un reflexo directo nas partidas do orzamento xa que para o desenvolvemento das tarefas diarias do persoal necesitarase unha ou outra maquinaria e se se quere ter a todos ocupados nas vías provinciais é necesario facer compra de novas máquinas e un importante desembolso de cartos.

6.      Pedimos que se cambien as cantidades orzamentarias das partidas correspondentes para a contratación de lotes de maquinaria privada con destino as vías provinciais por cuantías correspondentes á compra de nova maquinaria e vehículos, xa que moitos dos traballos que están a facer as empresas privadas os poden facer con garantía e profesionalidade os traballadores da Deputación se se lles proporcionan os medios de maquinaria, ferramentas e vehículos adecuados.

7.      Suxerimos que se contemple dentro da plantilla orzamentaria a creación de prazas do Grupo C1 para que o persoal condutor do Parque de Maquinaria que está a facer función de condutor Grupo C1 sendo as súas prazas grupo C2, se poidan promocionar xa que esta situación e tremendamente inxusta, por facer, exactamente, o mesmo traballo as retribucións son moi diferentes

8.      Pedimos por ser moi necesario o incremento de prazas e dotalas co persoal desde que sexa operativo o orzamento do ano 2016 dado que con isto se fai moito máis áxil e operativo o servizo, porque se actúa no momento en que se estraga unha máquina facendo que o persoal non estea parado e deixando de producir

PARQUE MÓBIL

Propoñemos para tódolos traballadores deste servizo que se lle asigne no Complemento Específico o factor de Dedicación xa que o colectivo ten que ter dispoñibilidade para cumprir coas funcións que se lle encomendan o non facelo deste xeito supón premiar e discriminar a uns traballadores sobre outros por realizar iguais cometidos.

Servizo Recadación ORAL

            As propostas con carácter xeral que este sindicato entende para el Servizo de Recadación – Oral, de cara ó orzamento 2016 son as seguintes:

-      Funcionarización.

-      Contratación de persoal.

-      Equipamento Técnico.

-      Equiparación económica do persoal.

-      Incremento do plus de perigosidade.

-      Aplicar a directriz da Xunta de Galicia sobre conciliación e flexibilidade laboral.

FUNCIONARIZACIÓN

            Hai tempo que, desde este sindicato, se vén pedindo a funcionarización do persoal adscrito ó Servizo de Recadación – Oral, sen que ata o momento se tivo en conta. Esta petición ten unha fundamentación lóxica e xurídica. Por iso, a pregunta de por que deben funcionarizarse ós traballadores do Oral?, a resposta legal e razoada é a seguinte:

            Desde o punto de vista legal: na lei 27/2013, de 27 de decembro, de racionalización e sostenibilidade da Administración Local, modificábase o artigo 92 da Lei 7/1985, de 2 de abril, reguladora das Bases do Réxime Local, concretamente os art. 2 e 3, quedando redactados da seguinte forma:

2. Con carácter xeral, os postos de traballo na Administración local e os seus Organismos Autónomos serán desempeñados por persoal funcionario.

3. Corresponde exclusivamente ós funcionarios de carreira ó servizo da Administración local o exercicio das funcións que impliquen a participación directa ou indirecta no exercicio das potestades públicas ou na salvagarda dos intereses xerais. Igualmente son funcións públicas, cuxo cumprimento queda reservado a funcionarios de carreira, as que impliquen exercicio de autoridade, e en xeral, aquelas que en desenvolvemento da presente Lei, se reserven ós funcionarios para a mellor garantía da obxectividade, imparcialidade e independencia no exercicio da función.

Ademais, a Lei 2/2015 de 29 de abril do emprego público de Galicia, promovida pola Xunta de Galicia, establécese a necesidade de que todo o persoal adscrito á Tesourería ten que ser funcionario.

Desde un punto de vista razoado: É indubidable que o Servizo de Recadación - Oral, no que se refire ás súas competencias, representa o servizo con máis carga decisoria, impositiva e executora de toda a Deputación, xa que, non só dicta resolucións que implican directamente á administración, se non que realiza inspeccións, impón sancións, desenvolve o procedemento recadatorio (apremios e embargos), etc. Polo tanto, as súas actuacións conforman unha responsabilidade enorme que implica á administración, ós administrados e a aqueles que as levan a cabo. Por se isto non fora pouco, debemos ter en conta o carácter de imparcialidade e independencia no exercicio destas funcións, e debe, ademais, velar polo  cumprimento da legalidade.

É obvio que corresponde, polo tanto, a funcionarización dos traballadores do Oral. Neste sentido xa se pronunciaron no seu momento o Defensor do Pobo e o Tribunal de Contas, advertindo a falta de persoal funcionario. Debemos ter en conta que isto ten custo cero para a Administración. É dicir, é un cambio de estatus laboral, que para nada incrementa o custo da administración.

CONTRATACIÓN DE PERSOAL

            Nestes últimos anos, e a pesar da crise que atravesou este país, o Servizo de Recadación do Oral mellorou os seus resultados, á par que foi adquirindo máis delegacións. Isto indubidablemente conseguiuse, entre outras razóns, grazas ó esforzo do persoal. Na actualidade, para poder levar a cabo todos os procedementos recadatorios e de xestión, é necesaria a contratación de persoal, non só para impulsar servizos, senon para poder garantir os existentes.

            Por exemplo, é coñecido por este sindicato, a falta de persoal nas oficinas periféricas, e como iso incide directamente no cumprimento dos dereitos dos traballadores, na capacidade e calidade da atención ó usuario e na mellora do servizo.

            Non se pode manter un nivel de excelencia se non se dota ó Servizo de medios humanos, se non se establece un clima laboral adecuado e se non se mantén unha continuidade.

            Por iso, é indispensable a contratación de persoal, aumentar o cadro de persoal existente de forma que sexa capaz de suplir as carencias que se ocasionan, para que poidan dar resposta ó aumento de traballo, para manter o nivel de esixencia, calidade e bo facer que ata hoxe se ten conseguido, para poder poñer en marcha novos servizos que se demandan desde os Concellos, e para poder atender correcta e satisfactoriamente ós cidadáns.

EQUIPAMIENTO TÉCNICO

            O novo Equipo de Goberno non pode seguir mantendo durante máis tempo ó Servizo de Recadación do Oral  sen unha mellora no equipamento técnico, xa que os equipos que agora teñen son antigos e insuficientes para dar unha cobertura adecuada á demanda de prestacións que ten o Servizo.

            Manter un adecuado equipamento en ordenadores, pantallas e outros materiais, é totalmente necesario para o correcto desenvolvemento das funcións e a mellora de resultados. É imposible seguir dando un servizo á cidadanía completo se non melloramos no aspecto técnico, xa que os equipos van quedando obsoletos e isto provoca que moitos aplicativos non funcionen ou funcionen mal.

            Por iso pedimos, porque existe a necesidade para poder dar un servizo coas garantías de calidade que demandas os usuarios, que se dote de equipos novos, que se actualicen os medios técnicos de que se dispón de acordo coas esixencias do Oral. O xefe de Novas Tecnoloxías é sabedor destas necesidades e coñecedor dos problemas que se derivan da falta de equipamento informático, polo que cremos deberían contar co seu asesoramento nesta materia. É fundamental facer unha inversión de acordo coas necesidades existentes, dotando de medios técnicos suficientes ós traballadores para garantir o bo funcionamento e a rapidez e axilidade, á vez que permite unha maior modernización e adecuación ós tempos que corren, grazas á utilización de numerosas ferramentas informáticas, que hoxe non podemos.

EQUIPARACIÓN ECONÓMICA DEL PERSOAL

Para evitar a discriminación salarial pedimos, a equiparación económica do persoal dentro da mesma categoría xa que rebaixaba os conflitos laborais e proporcionaba un mellor desenvolvemento do traballo.

 Como se sabe, e isto está contrastado, cando os traballadores que teñen a mesma categoría profesional, realizando o mesmo ou similar traballo, teñen as mesmas retribucións, iso fai que desaparezan tensións laborais, facilita o traballo en equipo, evita que se produzan discrepancias de competencias entre os traballadores, etc.

            Sabendo isto a Administración non pode mirar para outro lado permitindo que, algún persoal que tendo a mesma categoría profesional, realizando tarefas similares, non perciban as mesmas retribucións económicas que o resto de compañeiros. Ademais debemos ter en conta, que a gran maioría do persoal do Servizo de Recadación realiza funcións de superior categoría ó posto que ocupa, xa que, como dixemos, o traballo require de especialización.

            Por iso entendemos que deben corrixirse estas cuestións, igualando ó persoal.

INCREMENTO DEL PLUS DE PERIGOSIDADE

            O Servizo de Recadación do Oral, fundamenta gran parte do seu traballo no trato directo co contribuínte, ben sexa a través da atención personalizada, como no desenvolvemento de procedementos recadatorios, de xestión ou de inspección. Isto fai que todos os traballadores, técnicos e xefes, teñan entre os seus cometidos a atención ó contribuínte.

            É sabido que as relacións entre administración e administrado non son de todo satisfactorias, xa que sempre hai por parte do administrado certa desconfianza cara a administración. Este sentimento acrecéntase cando se trata do Servizo de Recadación, debido, principalmente, a ese carácter recadatorio, impositivo e executivo. É dicir, os contribuíntes non veñen contentos a pagar e menos se o fan por reclamación executiva.

            Durante todos estes anos, o persoal ten sido vítima de malas contestacións, insultos, ameazas…, e aínda que foron os menos, grazas á profesionalidade dos traballadores, non pasaron a maiores. Sen embargo, desde hai uns anos, por desgraza, cada vez repítese con máis asiduidade este comportamento por parte dos contribuíntes, increméntase o número de incidencias deste tipo, pero ademais, en bastantes ocasións, nestes últimos anos, tiveron que intervir os vixiantes, no caso de servizos centrais, ou policía no caso de oficinas, para evitar males maiores.

            Cada vez os insultos, malas contestacións e ameazas, son realizadas con maior frecuencia polos contribuíntes e con maior carga de agresividade, e isto fai aumentar o medo entre os traballadores a sufrir danos físicos como consecuencia de condutas agresivas. Estas aptitudes por parte dos contribuíntes, son como resposta á realización do traballo cotián, présas, embargos, procedementos de inspección, imposición de sancións, reclamación de bens, etc.

Entendemos que no contexto socio-económico e ante as dificultades de financiamento da poboación, esta teña máis problemas para asumir o pago de impostos e taxas, pero non podemos esquecer que por facer cumprir a lexislación vixente e desenvolver o seu traballo, ningunha persoa debe ser insultada, increpada ou ameazada.

Por tanto, e ante os feitos que día a día se desenvolven, ante a realidade da situación, entendemos que é necesario, que a Deputación de Pontevedra desenvolva un protocolo de actuación que estableza as actuacións para realizar por parte dos empregados, en caso de trato vexatorio, insultos, ameazas, etc. non só cando a atención sexa persoal, senón tamén cando esta se produza de forma telefónica ou por escrito.

Ademais entendemos que isto debe ir acompañado dun incremento do plus de perigosidade ou complemento compensatorio, xa que a exposición a este tipo de aptitudes é continua e maior que noutros servizos da Deputación, onde non se atende ó mesmo número de persoas, nin se realizan as mesmas funcións recadatorias ou de xestión que afectan directamente á situación económica e social do administrado.

APLICACIÓN DA DIRECTRIZ DA XUNTA DE GALICIA SOBRE CONCILIACIÓN E FLEXIBILIDADE LABORAL

            A Xunta de Galicia, grazas ó programa Cronos, emitiu unha directriz para os seus traballadores onde se recollía a flexibilidade horaria e a conciliación familiar e regulábanse todos os aspectos. Transcorrido xa algún tempo desde a aplicación desta norma, comprobouse que foi altamente beneficioso para a Xunta e para o persoal.

            Na actualidade a Deputación só recolle a conciliación laboral, pero non existe ningunha regulación sobre a flexibilidade horaria, que nin sequera se contempla.

            Por iso, cremos que a Deputación debe incluír a incorporación desta resolución, adaptándoa ó convenio, e proceder á súa posta en marcha, xa que do mesmo xeito que a Xunta de Galicia, temos fichaxe electrónica e é facilmente controlable.

MUSEO DE PONTEVEDRA

1.- Relación de Postos de Traballo para 2016

            Estas propostas supoñen cubrir con persoal laboral ou funcionario as prazas mínimas necesarias para o desenvolvemento das actividades e función do Museo no ano 2016.

a)      Cubrir con persoal interino as prazas vacantes que figuran na RPT do Museo, dotadas economicamente para 12 meses e que actualmente ou non se cobren ou se cobren con contratos temporais:

-          1 Técnico de Administración Xeral (A1 – Nivel 25)

-          5 Subalternos de oficios varios (E – Nivel 14)

b)      Creación das seguintes prazas e postos de traballo laboral fixo na RPT do Museo en atención ás necesidades permanentes de recursos humanos que precisa o funcionamento da institución:

-          2 Restauradores-conservadores (A2 – Nivel 22).

-          2 Axudantes de Arquivo e Bibliotecas (A2 – Nivel 22).

-          4 Técnicos Auxiliares de Gabinete Didáctico (C1 – Nivel 20).

-          2 Auxiliares Administrativos (C2 – Nivel 18).

-          2 Auxiliares de Arquivo e Bibliotecas (C2 – 18).

-          1 Subalterno de oficios varios (E – Nivel 14)

c)      Contratación do seguinte personal laboral temporal en 2016 (12 meses):

-          2 Conservadores-Restauradores (A2 – Nivel 22)

-          2 Subalternos de oficios varios (E – Nivel 14)

d)      Reclasificación, mediante promoción interna, pola realización de traballos moi especializados en temas vinculados á custodia e manexo de obras de arte de gran valor (montaxe de salas, exposicións, almacéns, colaboración en tarefas de restauración e conservación, control de alarmas e sistemas de vídeovixilancia, atención ao público, etc.) ou por estar estes postos reclasificados en outros centros da Deputación, das seguintes prazas e postos de traballo:

-          Encargado de montaxe (C2)-----------  Técnico Especialista de Montaxe (C1 – Nivel 20)

-          Encargado de carpintería (C2)---------  Técnico Especialista de Carpintería (C1-Nivel 20)

-          Encargado de Conserxería (C2)-------   Encargado de Conserxería (C1 – Nivel 20)

-          Subalternos de oficios varios (E)------   Oficiais de Servizos Xerais (C2 – Nivel 17)

-          Auxiliares de Bibliot. e Arquivos (C2)- Técnico Auxiliar de Bibl. e Arquivo (C1-Nivel 19)

e)      Elaboración, desenvolvemento e posta en funcionamento do Organigrama do Museo, coa dotación económica necesaria para a revisión do complemento de destino e específico que a creación dos postos precise.

f)       Actualización das Guías de funcións do Museo de Pontevedra.

2.- Instalación de despachos para técnicos na 1ª planta do Edificio Fernández López (retomando o proxecto iniciado no ano 2013).

3.- Acondicionamento e equipamento dunha sala no Sexto edificio do Museo para actividades con nen@s para obradoiros do Gabinete Didáctico.

4.- Acondicionamento e equipamento con armarios compactos de almacéns para fondos de arquivos e bibliotecas no Edificio Fernández López do Museo.

5.- Posta en marcha dos Plans de Evacuación e de Emerxencias do Museo.

6.- Funcionarización do persoal laboral

7.- Conversión do Centro Xestor Museo de Pontevedra nunha Fundación Pública.

            Dependente da Deputación de Pontevedra e cuns Estatutos propios, esta  Fundación Pública contaría cun Padroado, no que estarían representadas as Administracións Públicas máis próximas: Deputación de Pontevedra (Presidencia), Concello de Pontevedra, Xunta de  Galicia e o Ministerio de Educación, Cultura e Deporte. Tamén terían representación entidades que ao longo da súa historia participaron de forma importante e activa na configuración do Museo: Escola Naval Militar, Fundación Barrié, etc. Outro apartado estaría representado, de forma temporal, por empresas privadas que colaboren co mantemento, inversión para mellora de instalacións, compra de obras de arte ou actividades culturais no Museo. Finalmente, participarían no Padroado persoeiros relevantes da cultura e a sociedade do Concello, da Provincia ou de Galicia, así como grandes mecenas da entidade, que ocuparían un posto de Patróns de Honra. Así mesmo, contaría cunha Comisión Executiva para os asuntos menores e trámites do día a día, máis rápida e áxil.

            Na páxina web do Museo del Prado pódese ver toda a información relativa a un modelo de marco xurídico, organización, composición e estatutos dunha  Fundación Pública.

PROPOSTAS DE CARÁCTER RETRIBUTIVO

1.      Pedimos a negociación dun regulamento de provisión de postos de traballo mediante procedementos regulados e públicos, con baremos e garantía de publicidade; tamén a periodicidade dos concursos de provisión, tanto para os postos de traballo singularizados coma para os non singularizados.

2.      Instamos a Deputación a  promover unha catalogación obxectiva dos postos de traballo e unha retribución dos mesmos xusta e equilibrada. O que non pode facer O Equipo de Goberno é, sen negociar unha nova modificando do Catálogo, e de maneira unilateral, cambiar os niveis de C.de Destino e Específico pois de esta forma o que se está a facer é que se consideren os traballadores en función do servizo ou centro onde traballen de primeira ou de segunda.

3.      Que o persoal INTERINO adquira  o dereito ás axudas recollidas no Acordo Regulador porque  na actualidade existe un agravio comparativo có persoal funcionario e unha importante diminución económica.

4.      CC.OO. propón que aqueles traballadores que faltándolle anos de cotización para acadar o 100% na percepción da súa pensión e queiran seguir traballando para incrementar a base reguladora se lle permita seguir desempeñando o posto de traballo.

5.      Propoñemos que se regule a percepción das horas extras en función da carga de traballo e da imposibilidade de realizar o mesmo durante a xornada ordinaria. Isto ten que traer como consecuencia o incremento do valor das mesmas xa que, son as máis baixas de tódalas administracións e cando xurde un imprevisto non compensa ó traballador facelas.

6.      Reivindicaremos para todo o persoal da Deputación (Técnico, Educativo, Administrativo e de Servizos) que realiza funcións que corresponden a un grupo superior  que sexa no novo Catálogo de Postos de Traballo onde se fagan as revisións de cada posto, có fin de adecualos os niveis que lles corresponderían do Complemento de Destino e Específico (Perigosidade Penosidade, Toxicidade, Dificultade Técnica, Responsabilidade, Incompatibilidade, Dedicación). Deste xeito as retribucións serán as que lle corresponden a cada funcionario polo traballo que realmente fai.

7.      Impulsar a estabilidade no emprego e incluír no equipo ó persoal procedente dos convenios.

8.      Establecer mecanismos de recompensa por atribución de funcións para o persoal da Deputación (técnico, educativo, administrativo e de servizos) que realiza funcións correspondentes a un grupo superior, mediante un novo catálogo de postos de traballo que inclúa cláusulas de promoción automática por desempeñar accións de niveis superiores, cando se demostre a asunción desas tarefas por períodos superiores a 3 meses, co fin de adecualas aos niveis que lles corresponderían do complemento de destino e específico (perigosidade penosidade, toxicidade, dificultade técnica, responsabilidade, incompatibilidade, dedicación). Deste xeito, as retribucións de cada funcionario/a serán as que lles correspondan polo traballo que realmente fai.

9.      Facilitar a promoción interna das prazas ocupadas por persoal que realiza traballos de superior categoría. Propoñemos que se consoliden as categorías e exista unha promoción real na Deputación.

10.  Actualizar os complementos de destino e modificar a estrutura retributiva, sobre todo nos grupos de clasificación cuxo complemento de destino é inferior ao do resto do grupo de clasificación.

11.  Que os complementos específicos se adapten ás circunstancias en que se desempeñan os postos de traballo.

12.  Solicitamos para o persoal auxiliar administrativo que desempeña funcións de administrativo a creación de prazas de administrativo para proceder a súa promoción.

13.  Insistimos sobre a permanencia das pagas de produtividade de xuño, setembro e decembro para todo o persoal nas mesmas cantidades anuais. É necesario recordar unha vez mais que as contías se levan cobrando dende fai trinta anos e que, nun principio, se concederon por perda de poder adquisitivo como complemento ás pagas extras e que unha sentencia do T.S.J. de Galicia converteu en ilegais, reuníndose por elo a Mesa de Negociación na que se chegou a un acordo de conceder as pagas de produtividade de xuño, setembro e decembro co fin de que os traballadores non tiveran diminución retributiva.

14.  Consideramos un logro importante o acordo para a paga de produtividade de novembro suxeita ó absentismo e as faltas de asistencia ó traballo, logrado en Mesa de Negociación e que axudou dunha maneira importante a estimular ós traballadores e a reducir de maneira considerable o absentismo.

15.  Propoñemos que a praza de oficial carpinteiro do Pazo Provincial sea cuberta  por o funcionario de carreira  D. Roberto Calvo Álvare,  con destino no Príncipe Felipe. Esto implicaría que a persoa que está ocupando interinamente a praza de oficial carpinteiro no Pazo pase a ocupar a praza vacante no Principe Felipe.

16.  Propoñemos a creación dunha praza de Xefa de Sección de Fondos Especiais de Arquivos do grupo A1.

17.  Pedimos a consolidación e potenciación do Servizos Lingüsticos.

PROPOSTAS DE CARÁCTER SOCIAL

1.      Elaborar un Plan de Igualdade para todo o persoal da Deputación é un dos obxectivos na próxima etapa, como se pediu insistentemente dende CCOO, partindo dun bo estudo-diagnóstico da situación para aplicar as medidas e actuacións que coiden necesarias para mellorar a situación real de igualdade e avanzar nas medidas de conciliación persoal, familiar e laboral.

2.      CC.OO. propón o Goberno un plan de flexibilidade horaria máis operativo para todos os traballadores.

3.      Contemplar a contía suficiente na partida que corresponda para garantir as achegas ó Plan de pensións.

4.    Garantir as cantidades no orzamento para as  axudas sociais vixentes recollidas no Acordo Regulador e o Convenio Colectivo.

5.      Poñer en práctica o acordo alcanzado en Mesa de Negociación para recuperar o seguro de asistencia sanitaria privada para o persoal funcionario, interinos e laborais fixos, subscribindo unha póliza cunha compañía pagada pola Deputación.

6.      Pedimos que o Equipo de Goberno dispoña dun espazo para destinalo ó servizo de comedor para o persoal, de igual xeito que existe noutras administracións.

7.       Validación dos certificados médicos oficiais para os efectos de tribunais de segunda actividade e, en todo caso, que cubra a Administración os gastos derivados.

8.      Promover a elaboración, negociación e implantación dun programa piloto de teletraballo, destinado a quen, de xeito voluntario, poida realizar parte da súa xornada mediante esa fórmula non presencial, facilitando o acceso do persoal aos equipamentos tecnolóxicos necesarios, mediante a subvención para adquirir equipamentos informáticos que faciliten o seu acceso ás TIC e a posterior implantación do teletraballo.

9.      Proponse incluír con cargo ó fondo social o aboamento do complemento de incapacidade temporal, necesario para completar, en cada caso, o 100% das retribucións percibidas, pois por lei non pode facelo a Deputación.

10.  Revisión dos regulamentos de réxime interno para adecualos á realidade actual.

11.    Cubrir as necesidades temporais do persoal a través de BOLSA DE EMPREGO TEMPORAL: publicadas na web, cunha xestión transparente e con aplicación de criterios públicos e homoxéneos, realizando unha vixilancia efectiva e con carácter mensual.

12.  Evitar subcontratas e a contratación de servizos para desenvolver funcións propias,para evitar o risco de privatización, baixo o prisma de DEFENSA DO PÚBLICO.

13.  Propoñemos instalar nos centros de traballo ordenadores como punto de consulta para quen careza de acceso a internet e correo electrónico no seu posto de traballo, para que o use con fins de información laboral e sindical.

14.  Esixiremos ó Goberno da Deputación o  cumprimento dos acordos e convenios asinados.

15.  Demandamos a continuidade do Premio a Xubilación porque leva moitos anos sendo disfrutado por tódolos traballadores que se xubilaron e que os futuros perceptores do mesmo, ó igual que os que o cobraron tiveron que renunciar a outros beneficios sociais para poder ter este,CC.OO. propón que este premio se considere un beneficio social máis.